کابل: مدني فعالانو د تورلیست نه دحکمتیار نوم لرې کولو سره مخالفت څرګند کړ
(کابل ټکی کام ۱۳۹۵ تله ۱۵) زرغون خوږیاڼی
نن د کابل ښار په شهرنو پارک کې مدني فعالانو د یو لاریون په ترڅ کې د ګلبدین حکمتیار نوم له تور لیست څخه لرې کول وغندل او له له ملګرو ملتونو څخه یې وغوښتل چې د حکمتیار نوم له تور لیست څخه ونه باسي.
لاریون کوونکو د ځان سره دګلبدین حکمتیار یو ډول بینرونه هم له ځانه سره لیږدول او شعارونه یې ورکول چې ګلبدین د کابل قصاب او د خلکو قاتل دی.
دوی د ملګرو ملګرو ملتونو څخه وغوښتل، چې د حکمتیار نوم له تور لیست څخه ونه باسي، هغه یې د کابل د خلکو قاتل وبللو.
د لاریون کوونکو په وینا، حکمتیار ته دې قضایي مصونیت نه ورکول کیږي؛ د حزب اسلامي په ګډون دې د تېرو لسیزو د ټول جنایتکارانو په اړه دې، چې لاسونه یې د خلکو پر وینو سره دي، عدالت پلی شي.
لاریون کوونکو ادعا کوله، چې په کابل کې د تنظیمي جګړو پر مهال د حکمتیار وسلوالو پخپلو توغندیزو بریدونو د ډېر شمېر خلکو د کورنیو غړي وژلي دي.
د یادونې وړ ده چې دوه اوونۍ وړاندې ګلبدین حکمتیار د ګډ حکومت له مشرانو سره د سولې یو تفاهم ته ورسید او دواړو خواو یو له بله سره د سولې تفاهم لیک لاس لیک کړ، چې اوس یې په کابل کې پر خلاف یو ډول غبرګونونه راپاریدلي دي.
