فراه مرکز ته څېرمه طالبانو درنده جګړه روانه کړې ده

کابل ټکی کام ۱۵تله/۱۳۹۵، احمدالله مهاجر
له فراه ولایت څخه ترلاسه شوي خبرونه وایي، چې د دغه ولایت مرکز ته څېرمه طالبانو درنده جګړه روانه کړې ده او پر امنیتي ځواکونو باندې شېبه په شېبه د محاصرې کړۍ د تنګېدو په حال کې ده.
دغه جګړه نن سهار ۸:۰۰ بجې د دغه ولایت ښار اړوند د رج او کینکهان سیمو کې پیل شوې ده، دا مهال طالبان د پرمختګ په حال کې دي.
نن د فراه د ولایتي شورا غړو خبرداری ورکړ، چې فراه ولایت د سقوط له ګواښ سره مخ دی.
دا په داسې حال کې چې د کندوز ولایت مرکز دننه هم طالبانو درنده جګړه روانه کړې ده.
د یادولو ده، چې طالبانو دا مهال د هېواد په کندوز، فراه، بغلان، هلمند، جوزجان، روزګان او نورو ولایتونو کې درندې جګړې روانې کړي دي.