طالبانو په بغلان ولایت کې د اردو یوه چورلکه ویشتلې ده
(کابل ټکی کام ۱۳۹۵ تله ۱۸) زرغون خوږیاڼی
نن سهار د بغلان ولایت په ډنډ غوري ولسوالۍ کې د اردو چورلکه ویشتل شوې او نسکوره شوې ده، ویل کیږي، چې په چورلکه کې سپاره ۴ کومانډیان وژل شوي دي.
طالبانو د چورلکې ویشتلو پړه پر غاړه اخیستې ده.
طالب ویاند قاري یوسف احمدي کابل ټکی کام ته په رالیږل شوي خبر کې ویلي، چې نن سهار د بغلان ډنډغوري په قرغان تيپه سیمه کې د کمانډو ځواکونو هغه هلیکوپتر وويشتل شو، چې غوښتل يې هلته محاصره عسکرو ته اکمالات وکړي.
د طالب ویندوی په خبره، په برید کې هلیکوپتر رانسکوره او د اور خوراک شوې، دوی وايي چې د چورلکې ټوله عمله له منځه تللې ده.
پژواک خبري اژانس ویلي، چې د اردو یوه چورلکه په بغلان ولایت کې غورځول شوې ده او ۴ عسکر په کې وژل شوي دي.
