جوزجان مرکز شبرغان کې ۱۵ کلن ځوان ځانوژنه کړې
کابل ټکی کام ۲۹تله/۱۳۹۵، احمدالله مهاجر
د جوزجان ولایت ځايي مسئولین وايي، چې تېره شپه د دغه ولایت د مرکز شبرغان مربوطاتو کې یوه ۱۵ کلن ځوان ځان ځوړند کړی دی.
د جوزجان ولایت د والي ویاند ویلي دي، چې د نوموړي د ځان وژنې لامل نه دی څرګند، خو امنیتي ځواکونو یې په اړه پلټنې پیل کړي دي.
د روغتیا وزارت مسئولین وايي، چې د دغه ځوان جسد د ډاکټرانو له خوا معاینه شوی دی، خو لا تراوسه پورې داسې کومې نښې نه دي ترلاسه شوي، چې نوموړي دې د خفګان یا د وهلو له کبله ځان وژلی وي.
خو د جوزجان ولایت د روغتیا وزارت ډاکټر فریدون حبیب وايي، چې دغه ځوان د خفګان له کبله ځان وژنه کړې ده.
