امريکا: ترافيکي پېښه کې ۵۰ تنو ته مرګ ژوبله اوښتې
(کابل ټکی کام ۱۳۹۵لړم ۳) الماس خدرخېل
د امريکا په کلفورنيا ايالت کې يو مسافر وړونکی بس موټر له يوه لارۍ موټر سره ټکر شوي.
د دغه ولايت چارواکو ويلي، چې په پېښه کې ۱۳ تنه وژل شوي او شاوخوا ۳۰ نور ټپيان دي.
پېښه د کلفورنيا ايالت د سالتون سي ښار ته څېرمه د ريدايرت کازينو په سيمه کې رامنځته شوې ده.
پوليس وايي، چې بس موټر په ډېر سرعت روان و چې د لارۍ سره ټکر شو او د موټر چلونکي په ګډون ۱۳ تنه پکې ووژل شول.
په پېښه کې د پنځه تنه ټپيانو حالت نازک ښودل شوی، ډاکټرانو ويلي چې شايد د ټپونو له امله خپل ژوند له لاسه ورکړي.
پوليسو د ترافيکي پېښې د رامنځته کېدو په اړه څېړنې پيل کړي دي.
