جواد څارګر
یوه عدلي رئیس له یوه هلکه د دریو سوو افغانیو پر بدل د لواطت غوښتنه وکړه.
یوه قومندان د خپل عسکر ښځه وتښتوله، تر اتیاو ورځو یې په شخصي زندان کې زنا ورسره وکړه او بالاخره یې له عسکره وغوښتل چې ښځې ته طلاق ورکړي او ده ته یې پرېږدي.
یوه اربکي قومندان د ښوونځي یو زده کونکی د ټولو زده کړیالانو او ښوونکیو پر وړاندې لوڅ لپړ کړ، جنسي تېری یې پر وکړ او بیا یې انځورونه ترې واخیستل.
د نن ورځې یو راپور دی چې تازه رسنیز شوی؛ د غزني د ولایتي شورا یوه غړي ‘عبدالجامع جامع’ یوه پیغله نجلۍ تښتولې، ۸ شپې یې پر خپل شخصي دفتر کې ساتلې او پس له هغې یې خپل یوه باډیګارډ ته په زوره نکاح کړې.
دا هر څه په کوم جنسي بازار کې نه دي انجام شوي او نه د کوم هیرابازار کیسه ده، بلکې دا هر څه په یوه نظام کې ترسره کېږي، د نظام خلک یې ترسره کوي، د نظام د رأس خلک یې تر شاه ولاړ دي او پر ملا یې ټپوي او همدې فحشاء او منفوره اعمالو ته یې هڅوي ترڅو افغاني ټولنه د غرب په څېر فاسده کړي.
تر دې وړاندې دې ته ورته بلها پېښې رامنځ ته شوي. یوې ښځې په ډک بازار کې لوڅ لپړ قدم وواهه، یوې بلې ښځې سینو او خلفي حصې ته اوسپنزه زغره واچوله او په ټول بازار کې وڅرخېده، یو بل سړی بازار ته لنډه غر ووت، نه یې پر بدن تار و او نه د چا سره کار، بس محض د افغانانو د ایمان دمعیار معلومولو لپاره یې یو ازمایښتي تمرین وکړ.
د عدلیي رئیس تر شاه منظم بانډ لري، پولیس قومندان په سازشي او قصدي ډول دغه عمل ته هڅول شوی او اربکی قومندان چې پر پتمنه افغاني ټولنه کې دومره ستر جرأت او اجرآت کوي، طبعي ده چې تر شاه یې ستر او اوږده لاسونه تکیا دي.
په کابل کې ‘خانه امن’ سوچه فحشاء خپروي، لسګونه نجونې او هلکان فحشاء ته د ترویج پر موخه روزي او بیا یې په بازارونو کې په مختلفو پلمو او حیلو لر ـ بر کوي.
د کابل په زړه کې لسګونه داسې هوټلونه شته دی چې ډمتوب ورکې کېږي او خپلو ګاهکانو ته د زنا لپاره نجونې عرضه کوي.
دا څه روان دي او د څه لپاره روان دي؟ شپه او ورځ د اخلاقي بېلاریو لپاره ولې رسمي کمپاینونه کېږي؟
په تلویزونو کې داسې سریالونه د څه لپاره نشریږي، چې تنکي هلکان سکس او بېلارۍ ته هڅوي؟
فقط ددې لپاره چې دغرب ناوړه او بې پدره فرهنګ ته په مسلمانه او افغانه پتمنه ټولنه کې ترویج ورکړي.
ګناه زمونږ خپله ده چې تش کالبوتونه او غربي روبوټونه مو په اوږه کړي، نه یې اسلامیت څرګند دی، نه افغانیت او نه اصالت؛ بس همدومره یې پېژنو چې له غربه راوستل شول او زمونږ پر اوږو یې کښېنول.
باور وکړئ که دا یو څو تنه سرسپارلي مجاهدین مو له منځه نه وای پورته شوای؛ نن به مو هره پېغله سرتوره وه، هر پۍ مخ هلک به ددې نظام شامل خلکو د خپل هوس ښکار کاوه، هر کور به د ګواښ لاندې وای او هره دروازه به د جنسي خواهش د لیونیانو تر څار لاندې وه ځکه په جار نعرې وهو چې ‘یاربه بې طالبه مو نکړې’.
