مبارز افغان کټوازی
” که څه هم د قسم حق نه راباندې لری خو بیا هم په الله جل شانه قسم خورم چې دا کیسه بلکل حقیقت او رښتینې ده. “
زموږ یو کلیوال طالب له امریکایانو سره په مخامخ جګړه کې د مهماتو د ختمیدو له امله ونیول شو؛ طالب یی د جګړې له میدانه بګرام جیل ته یووړ، یوه هفته یی تر سختو ځورونوو لاندې ونیو تر څو سم معلومات ورکړي طالب چې د ځورونو توان نه درلود ټول معلومات یی پوره سم ورکړل هرڅه چې یې لیدلې کتلې او کړي وو ټول یی رښتیا رښتیا وویل؛ خو امریکایانو بندي طالب ته نور هم د تعذیب ګواښ وکړ، خو بندي طالب رښتیا هم په هغه څه نه پوهیده کوم څه چې امریکایانو غوښتل.
امریکایانو بندي طالب ته وویل چې هر څه دې وویل ټول رښتیا ګڼو تاته نور تعذیب هم نه درکوو له نن وروسته به تاته شخصي خونه درکړو له زندانه دې هم وباسو ښې ډیرې پیسې هم درکوو کور ته دې هم سلامت رسوو خو څه چې موږ لیدلې او درنه پوښتنه وکړو هغه به رښتیا وایې، طالب له ناچارۍ ورسره هوکړه وکړه.
امريکايې محقق له طالب نه وپوښتل چې: له تاسو سره هغه وسلوال کسان چه په اسونو سپاره وو او له موژ سره یی تونده جګړه کوله موږ له هغوی سره ټول وس وازمایه خو بریالي نه شو دا څوک وو؟ که هغوی ستاسو ملتیا نه وه کړې تاسو به د ډز کولو موقع هم نه وای پیدا کړې مخکې به لا وژل شوې وای.
هغه وسلواله ډله څوک او د کوم هیواد خلک وو د هغوی په اړه رښتیا معلومات راکړه ستا ټول ضروریات حل کوو ازادوو دې پریمانه روپۍ درکوو.
طالب وویل چې موږ ټول دوولس کسان وو او شپږ موټر سایکل وو زه مو ژوندی ونیولم څلور ملګري می شهیدان شول او نور پاته طالبان خلاص شول.
امریکایی محقق طالب په لغته وواهه طالب پر ځمکه ولويد.
امریکایی محقق له غصې تک سور له کوټې ووت دوه ساعته وروسته بل تور پوستي محقق راغی او له طالب نه یی یاده پوښتنه وکړه چې اس سپاره وسله وال څوک وو؟
خو طالب بیا مخکنۍ خبره وکړه چې له موږ سره ماسیوا له دوولسو نفرو بل هیڅوک هم نه وو.
طالب رښتیا هم په حقیقت نه پوهيده په مغزو کی یی ډیری پوښتنې ګرویږنې ګرځیدې خو هک حیران وو چه دا څه کیسه ده؟
امریکایی محقق پخپله خبره کې ریښتنی وو خو طالب په حقیقت نه وو خبر چې څه دی او څه نه!
طالب د اقرار نه کولو په جرم او دامریکایانو سره د جنګ کولو له امله په ډیر بند محکوم شو.
دبندې طالب په مغزو کې دهغه محقق امريکايې خبره ډیره څرخیده ټول بدن یی ناارامه وو.
امریکایانو بندی طالب ته ټليفون ورکړ چې له پلار مور او کورنی سره خبرې وکړه د بندی طالب خبری ټولې څارل کیدې ځکه یی د تلیفون موقع هم ورکړه که چیرته یې د اس سپرو وسله والو معلومات تر لاسه کړل طالب له پلار مور سره تر هرڅه مخکې دهغه امریکایی محقق خبره شریکه کړه چې له تاسو سره هغه وسلوال اس سپاره څوک وو چې موږ ته کلک خنډ وو.
پلار یې هم تعجب واخیست چې دا څه خبره ده ما خو تر اوسه په ټوله پکتیکا کې طالب په اس سپور ندی لیدلی که مې لیدلی هم وای نو دا څنګه طالبان وو چې جنګ یی هم کړی د طالبانو په صف کې هم وو امریکایانو لیدلی او زما زوی ندی لیدلی پلار یې هم ژورو فکرونو واخيست یوه بله خبره به یی په مغزو کې راتله خو هیڅ نه پوهیده.
د طالب پلار هغه طالبانو ته چه دده له زوی سره په سنګر کې جنګیدلې وو ټول راوغوښتل، طالبانو ته یی دبندي زوی ټوله خبره وکړه چې ستاسو سره اس سپاره وسله وال څوک وو چې تيزه جګړه یی کړې. طالبانو هم حک حیران یوه بل ته وکتل چې په الله قسم موږ دوولس طالبان راووتلو او دلته مو امریکایانو ته کمين ونیو تیز جنګ روان وو نیمه ګنټه وروسته طیارې راغلې ما او ملګرو مو د بمبار له ويرې جنګ بند کړ د جنګ له میدانه بیرته کلې ته راووتو، منصور امریکایانو ونيو څلور نفره شهیدان مو دجنګ په میدان کې پاته شول والله که مې لا اس لیدلی وي لا نور جنګيالي کسان ماسوا له موژ دوولسو!
طالبان او د بندي طالب پلار ټول هک حیران وو هیڅ نه پوهیدل چې دا څه وو او څه نه!
د کلې ټول علماء او ملایان یې راوبلل او یاده خبره یی ټکې په ټکې ورته وکړه
سبحان الله
علماوو ټولو ورته وویل چې امریکایی محقق بلکل رښتیا ویلې هغه اس سپاره وسله واله ډله چې مستیقماً د طالبانو په صفونو کې جنګیدلې دا له طالبانو سره بدري ملایکې ملګري شوي او دا ملایکې به تر قیامته د مجاهدینو په صفونو کې جنګیږي .
طالبانو ځکه ندي لیدلې چې بیا له جهاده غافل نشي او کبر ونکړي، او امریکایانو ځکه لیدلې چې تر څو هغوی ذلیل او وارخطا شې او بریا د حق شي.
ومن الله التوفيق
یادونه: کټ مټ دهغه طالب خبره ده هیڅ زياتونه مې نده کړې
