بسم الله الرحمن الرحیم
لیکوال ـ متقاعد نظامي
نفوذي او استخدام شوي جاسوسان ، بشري او تخنیکي څار ، له زندانیانو څخه پلټنې ، رسنۍ او رسنیز وسائل ، دنړۍ داستخباراتي سازمانونو له مهمو اطلاعاتي سرچنیو څخه دي ، خونيږدي (۸۰) سلنه اطلاعات درسنیزو فعالیتونو تر پوشش لاندې راټولوي .
دسمیع یوسفزئي شبکه چې عنایت الله کاکا زاده یې یو مهم شریکوال دی ، درسنیزو فعالیتونو تر پوشش لاندي (CIA)او (MIsix) ته دطالبانو په اړه استخباراتي فعالیت ترسره کوي .
دیادونې وړ ده (عنایت الله کاکا زاده ) دپاکستان دکراچۍ په ښار کې د طالبانو دپخواني جنرال کونسل (رحمت الله کاکا زاده ) ورور دی ، (رحمت الله کاکا زاده ) هغه مهال طالبانو له خپلو لیکو څخه وشاړه کله یې چې دهغي چندي دپیسو ،زیوراتو اونورو اموالو له تسلیمولو څخه ډډه وکړه کوم چې ده ته دامریکایانو دیرغل په پيل کې دکراچۍ دښار اسلامي ټولنو، تنظیمونو ، مدرسو او تجارانو دطالبانو دحکومت سره دکومک په ډول اعطا کړي وه او هم یې دي ته غاړه کېنښوده چې دسیمې له استخباراتي سازمانونوسره خپل سري اړيکي قطع کړي .
ویل کیږي اوس مهال (رحمت الله کاکازاده ) یو له شتمنو افغانانوڅخه دی .
سمیع یوسفزئي اوملګري يې دطالبانو له هغو غړو سره چې یايې له طالبانو څخه لار بیله کړي ، یا دبیلا بیلو عواملو له امله خفه دي او یا ددوي پرخواخوږۍ تیر وځي معلومات راټولوي ،دغه معلومات زیاتره دطالبانو دتشکیلاتي جوړښت ، دبیلا بیلو وظیفوي استقامتونو دجوړښتونودفعالیتونو او ددغو جوړښتونو دچارواکو او کارکوونکو په اړه وي .
دوي اطلاعات په داسي ډول ټولوي چې په خپله اطلاع ورکوونکي هم زیاتره وخت دا نه انګیري او پدي نه پوهیږي چې ددو ي له معلوماتو څخه به ددوي دتحریک په خلاف تبلیغاتي او عملیاتي استفاده کیږي .
سمیع یوسفزئی اوملګري یې دخپلو ځرو پواسطه هغه معلومات هم ټولوي چې طالبان یې په خپلو عادي مجلسونو کې سره شریک کوي ، دی اوشبکه يې زیاته هڅه له ټیټ رتبه طالبانوسره او له هغو کسانو سره چې عملې طالبان ندي بلکي طالبان ورسره راشه درشه لري داړیکو دټینګولوهم کوي ، تر څو هغه خبري تري واوري چې طالبان يې دخپلو فعالیتونو او ستونځوپه اړه په خپل مینځ کې سره شریک کوي .
دیوي باوري سرچیني دمعلوماتو له مخي سمیع یوسفزئی او ملګري يې چې کله دغه معلومات استخباراتي شبکوته ورکړي ،هغوي یې تحلیلوي کوم معلومات چې له ارزیابۍ ورسته په اوپراتیفي عملیاتو کې پکار راځي هغه پټ ساتي او کوم چې پاتي کیږي هغه سموي راسموي تراشي يې او په لويدیځو مهمو رسنیوکې یې خپروي او دطالبانو په خلاف ترې په تبلیغاتي جګړه کې کار اخلي .
په تیره لنډه موده کې په قطر کې داشرف غني له حکومت سره دځینو طالبانو دمذاکراتو په اړه دمعلوماتو خپرول او اوس اوس دطالبانو دمالي ستونځو په اړه دمعلوماتو خپرول دیاد حقیقت ښکاره بیلګي دي .
همدغه راز په سمیع یوسفزئی باندي دطالبانو دحکومت له سقوط څخه ورسته پاکستان حکومت ته دطالبانو دهغو خواخوږو قلموالودجاسوسۍ تور هم پوري دی چې دطالبانو په نفعه یې ازاد فرهنګي فعالیت کاوه .
دغه کسان دپاکستان دحکومت له لوري نیول شوي وه او بیا امریکایانو ته سپارل شوي وه .
دچارو شنونکي پدي باور دي که چیري طالبان خپل پخوانی معمول چې له رسنیو سره یې خپلو غړو ته د خپل سرو تماسونو اجازه نه ورکوله ټینګ عملي نکړي او دطالبانو استخبارات دخپل تحریک دسیاسي ، فوځي ،امنیتي ، اقتصادي ، رازونو دپټ ساتلو لپاره اقدامات ترسره نکړی او پدي اړه دطالبانو په لیکو کې پوهاوي ته کار ونشي نودطالبانو درازونو په اړه د(سمیع یوسفزي ) د په څیر دخبریالۍ تر پوښښ لاندي دنورو استخباراتي شخصیتونو له لوري دراپورونو نشربه طالبان له زیاتي فریشانۍ سره مخ کړي او دافراد په روحیه به يې داسي راپورنه منفي اغیزي پریباسي .
په کابل ټکی کام کې چې کومي لیکني اوشعرونه نشرکیږي دلیکوال خپل نظر وي د ادارې د نظرتوافق ورسره شرط نه دی تاسوهم کابل ټکی کام ته په دې ادرس خپلي لیکني راولیږئ
kabullnews@gmail.com
