(کابل ټکی کام ۱۳۹۵ لیندۍ ۲۳) الماس خدرخیل
د کنړ ولايت امنيتي چارواکي وايي، چې د درېيم سرحدي کنډک قومندان د ماين په يوه چاودنه کې وژل شوی دی.
د کنړ ولایت امنيه قومندان جنرال جمعه ګل همت ازادۍ راډيو ته وويل، چې پېښه تېره شپه هغه مهال رامنځته شوه، چې قومندان ولي جان او ملګري يې په دانګام ولسوالۍ کې د وهاب پوستې ته پلي روان و.
بل پلو وسلوالو طالبانو په يوه رالېږلې خبرپاڼه کې ويلي، چې چاودنه تېره شپه د دوی د پلويانو له خوا په نوموړي قومندان ترسره شوې ده.
طالبانو په ياده خبرپاڼه کې ويلي، چې په قومندان ولي جان يې د اميرپاچا پوستې ته څېرمه د شپې دولس بجې چاودنه ترسره کړه.
د طالبانو په وينا په ياده چاودنه کې، د قومندان مرستيال عبدالوهاب او يو تن ساتونکی يې هم وژل شوي دي.
