په سوریه کې د روسیې په سفارت د هوان بریدونه شوي
(کابل ټکی کام ۱۳۹۵ مرغوم۹) زرغون خوږیاڼی
د روسیې دفاع وزارت ویلي، چې په سوریه کې د دوی په سفارت د وسله والو مخالفینو لخوا د هوان بریدونه شوي، چې د سفارت په مرکز کې دننه لګیدلي دي.
د روسیې د بهرنیو چارو وزارت تایید کړې، چې د سوریې په دمشق ښار کې د روسیې د سفارت په انګر کې دننه د هوان توغول شوې مرمۍ لګیدلي دي.
ددغ وزارت په وینا، ځینې یې له دغومرمیو نه دي چاودیدلي چې د هوايي ځواک د انجینرۍ ډلې به په دغه سفارت کې د توغندیو او ناچاودیدلو مرمیو د شنډولو کار پیل کړي .
د روسیې دخارجه چارو وزارت ويلي، چې دمشق ښار ته نږدې سیمو کې د وسله والومخالفین شتون د روسیې سفارت او د سفارت کارکوونکو ته لوی ګواښ دی.
یاد سفارت ویلي، چې د هوان مرمیوکومه مرګ ژوبله نه ده رامنځته کړې؛ خو د سفارت ودانۍ ته یې زیان اړولی دی.
روسیې د سوریې داسدي رژیم په ملاتړ دغلته د سوریې د ازادو انقلابیانو په وسله والو هوايي بریدونه کوي، چې تر ډيره يې ملکي وګړي هدف ګرځي.
