لومړنی هوایي امبولانس جوړ شو!
( کابل ټکی کام ۱۳۹۵ مرغومی ۱۸) صابر خپلواک
یوې امریکایۍ کمپنۍ هوائي امبولانس جوړ کړی، تر څو وکولای شي د جګړې او نورو پېښو قربانیان په چټکۍ سره روغتونو ته واستوي. دا امبولانس یو کوچني موټر ته ورته دی، په دومره توپیر سره چې نوموړی امبولانس دالکترونیکي ماشین او وزرو لرونکی دی چې د الوتلو توان لري.
که چېرته دا امبولانس بریالی شي، نو د یو زیات شمېر انسانانو د ژغورنې لامل به شي. د شرکت مدېر مارک رولستون زیاته کړې، چې د نوموړي امبولانس کار لا د پرمختګ په حال کې دی.
