د سعودي په شاهي کورنۍ کې د واک پر سر سیالیو یو ځل بیا زور اخېستی

کابل ټکی کام۰۲عقرب/۱۳۹۴
احمدالله مهاجر
د سعودي عربستان شاهي کورنۍ کې د دولسو مهمو او کلیدي غړو څخه ۸ تنو د سعودي عربستان د پاچا د لرې کېدو او پر ځای یې د کشر ورور احمد بن سلمان د کېناستو غوښتنه کړې ده.
احمد بن سلمان چې اوسمهال د کورنیو چارو وزیر، او دا مهال یې عمر ۷۳کاله دی.
د یادو ۸تنو څخه یو تن چې له نوم اخېستو څخه یې ډډه کړې ده انډیپنډنټ ورځپاڼې ته ویلي دي،«مونږ ۸ کسان د پاچا سلمان د ګوښه کېدو غوښتنه کوو، ځکه چې هغه ناروغ دی، د ورځپاڼې په قول د سعودي علماء هم د دې غوښتنې پلوي دي، دوی وايي چې د پاچا سلمان لرې کول یوه نوې خبره نده، له دې څخه مخکې هم په ۱۹۶۴ز کې پاچا سعود د ورته ناروغۍ له کبله له واک څخه خپله ګوښه شوی وو.
د یادونې وړ ده چې له کومې ورځې سلمان د سعودي عربستان د واک چارې په لاس کې اخېستي دي، په شاهي کورني کې شخړو او سیالیو زور نیولی دی.