ماليزيا: د بورنيو په ساحل کې بېړۍ ورکه شوې- ۳۱ کسان پکې سپاره و
(کابل ټکی کام ۱۳۹۵سلواغه ۱۰) الماس خدرخیل
د ماليزيا چارواکي وايي، چې يوه بيړۍ چې ۳۱ تنه سيلانيان پکې سواره و د دغه هېواد په بورنيو ساحل کې بې درکه شوې ده.
د چارواکو په وينا دغه بېړۍ د ماليزيا سباح ايالت مرکز کوتاکينابالو له ساحل نه روانه شوه او د لږې په مودې په تېرېدو ورسره ارتباط پرې شو.
د دغه هېواد د سمندري چارو مسؤلين وايي، چې په دغه بې درکه شوې بېړۍ کې ۲۸ تنه چينايي سيلانيان سپاره و، خو د چين د بهرنيو وزارت ويلي، چې په بيړۍ کې ۲۰ تنه چينايان سپاره و.
بې درکه شوې بېړۍ ۶۰ کیلومتره لېرې د پولاو مینګالوم ټاپو ته روانه وه چې ډېر سیلانیان ورځي.
د راپورونو له مخې تيز باد او څپو د بيړيو د ژغورنې عمليات ځنډولي دي.
