لغمان: په یوه ترافیکي پېښه کې څلور تنه مړه شوي
(کابل ټکی کام ۱۳۹۵سلواغه ۲۳) صابر خپلواک
د لغمان ولايت اوسيدونکي وایي چې په یاد ولایت کې د ترافیکي پېښې له امله څلور تنه مړه شوي او څلور نور ټپیان شوي دي.
د لغمان ولایت ویاند سرحدي ځواک ازادي راډیو ته ويلي دي چې یاده پېښه نن سهار شپږ بجې د کابل جلال آباد په لویه لاره د کاکڅ په سیمه کې د کرولا او ټوډي موټرو د ټکر له امله رامنځته شوې ده.
نوموړي زیاته کړی ده چې په یاده پېښه کې دوه میرمنې او دوه نارینه زخمیان دي خو د مړه شویو په اړه یې څه نه دي ویلي.
نوموړی وايي، زخمیان د کاکڅ په کلینیک کې تر لومړنۍ درملنې وروسته د ننګرهار د عامې روغتیا روغتون ته انتقال شوي دي.
