صراط المستقیم؛ نیغه او هدف ته رسېدونکې لاره

لیکنه: محمد عمر حماد

ټول مسلمانان په پینځه وخته لمونځ کې د (اهدناالصراط المستقیم) په دعاء سره له الله تعالی څخه د سمې لارې غوښتنه کا، راځئ قرآن ته رجوع وکړو چې صراط مستقیم(سمه لاره) کومه ده.

۱: توحید

(إِنَّ اللَّهَ رَبِّى وَرَبُّكُمْ فَاعْبُدُوهُ ۗ هٰذَا صِرٰطٌ مُّسْتَقِيمٌ) سورة آلعمران ۵۱

ژباړه: الله هم زما رب دى او هم ستاسي؛ له دې امله تاسي د هماغه بندګي غوره کړئ، همدا سمه سيخه لار ده.

۲: قرآن کریم

(وَهٰذَا صِرٰطُ رَبِّكَ مُسْتَقِيمًا ۗ قَدْ فَصَّلْنَا الْءَايٰتِ لِقَوْمٍ يَذَّكَّرُونَ) سورة الانعام ۱۲۶

ژباړه: او دا ( قرآن) لار د رب ستا ده نیغه، یقیناً په تفصیل سره بیان کړي دي موږ آیاتونه هغه قوم لره، چې نصیحت قبلوي.

۳: د انبیاء کرامو لاره

(وَهَدَيْنٰهُمَا الصِّرٰطَ الْمُسْتَقِيمَ) سورة الصافات ۱۱۸

ژباړه: هغو ته مو سمه لاره وښودله.

۴: د رسول الله تابعداري

(وَإِنَّهُۥ لَعِلْمٌ لِّلسَّاعَةِ فَلَا تَمْتَرُنَّ بِهَا وَاتَّبِعُونِ ۚ هٰذَا صِرٰطٌ مُّسْتَقِيمٌ) سورة الزخرف۶۱

ژباړه: او هغه (عیسی علیه السلام) په اصل کې د قيامت يوه نښانه ده؛ نو تاسي په هغه کښي شك مه كوئ او زما خبره او متابعت ومنئ، همدغه سمه سيخه لاره ده.

#صراط المستقیم: هغه لاره چې نیغه وي، زیاتی او کمی ( افراط او تفریط) او کوږوالی پکې نه وي او هدف ته رسېدونکې لاره وي.