د سي این این د خبر له مخې امریکا د بشار الاسد د رژیم په خلاف د مدیترانیې په بحیرې له امریکایي بیړۍ نه د سوریې په الشعیرات هوایي اډه باندې ۵۹ ټام کروز میزایل توغولي چې له امله یې د سوریې هوایي ځواک ته درانه زیانونه اوښتي. د حمص والي وایي چې په برید کې ځاني زیانونه هم اوښتي.
د پینټاګون ویاند جیف ډیوس وایي چې دغه میزایل یې د د سوریې د هوایي ځواک په الوتکو، دفاعي سیسټم، لوژستیکي زیرمو، د تیلو په ذخیرو او رادارونه ویشتي دي.
ډونالډ ټرمپ ویلي چې د سوریایي رژیم په خلاف د برید امر ده ورته کړی؛ نوموړی وایي ” نن شپې مې په سوریه کې په هغه هوايي اډو چې د کیمیايي وسلو په برید کې ترېنه استفاده شوې ده د برید کولو امر ورکړ. په سوریه د توغندیو بریدونو د امریکا د امنیت په خاطر مهمه اړتیا وه. “
الشعیرات هوايي ډګر نه ۳ ورځې ړراندې په ملکي وګړو د کیمیاوي ګاز حمله شوې وه چې له امله یې شاوخوا ۱۰۰ تنه ملکي وګړي وژل شوي و او ۵۰۰ نور ټپیان شوي و.
د امریکا لخوا په سوریې برید یو ځل بیاد نړۍ پام د سوریې لورې ته راوګرځوه.
د امریکا لخوا په سوریې د برید نه وروسته ټوله نړۍ پدې فکر کې ده چې روسیه به څه ډول غبرګون ښايي.
