د افغانستان ولسي جرګې د څلور غړو دندې ځنډول شوي
(کابل ټکی کام ۱۳۹۶وری ۲۳) الماس خدرخېل
د افغانستان د ولسي جرګې د څلورو غړو دندې د پرلپسې غير حاضرۍ له امله ځنډول شوي دي.
د ولسي جرګې رئيس عبدالروف ابراهيمي په ننۍ غونډه کې وویل هغه وکيلان چې شل ورځې يې پرلپسې غير حاضري کړې امتيازات يې قطع کېږي او له دې وروسته به د جرګې غونډه ته نه شي ورتلی.
په دغو وکيلانو کې، احمد بهزاد، فرشته انوي، بشير احمد تيج او پروين درانۍ شامل دي.
تر اوسه يادو وکيلانو د دغه پرېکړې په وړاندې خپل غبرګون نه دی څرګند کړی.
ولسي جرګه وايي، چې د اکثرو وکيلانو د غير حاضرۍ له کبله د دوی زياتره غونډې بې نتيجې پای ته رسېدلي دي.
