روزګان کې پر دولتي ځواکونو بمبار شوی
کابل ټکی کام| ۱۳۹۶، غوایی ۱۰- د روزګان ولایت چارواکي وایي چې د ملي اردو چورلکو پر امنیتي ځواکونو بمبار کړی چې له امله یې ۶ تنو ته مرګ ژوبله اوښتې.
د روزګان ولایت د امنیه قومندانۍ د امنیت امر عبدالقوي وایي چې تیره ورځ مازدیګر مهال د روزګان ولایت د ترینکوټ ښار اړوند د کوټوالو په سیمه کې، د اردو چورلکو پر امنیتي ځواکونو په تیروتنې سره بمبار کړی چې له امله یې د چټک غبرګون قطعې دوه تنه عسکر وژل شوي او ۴ تنه نور ټپیان شوي دي.
نوموړی وایي چې د اردو چورلکو د ناسمو کوردیناتو له امله پر دولتي ځواکونو بمبار کړی.
د ترینکوټ د ملکي روغتون کارکوونکي وایي چې دوی ته څلور ټپیان ور وړل شوي و چې ۲ تنو یې په روغتون کې ساه ورکړه او دوه تنه نور چې سخت ټپیان و، کندهار ته لیږدول شوي دي.
