برازيل کې د ۴۵۰ ميليونه ډالرو په ارزښت زمرود موندل شوی
(کابل ټکی کام ۱۳۹۶غبرګولی ۳) الماس خدرخېل
د سپونټيک د راپور له مخې په برازيل کې د ډبرو او کانونو ماهرينو د ۳۶۰ کيلو ګرامه وزن په اندازه زمردو موندلی.
د زمرودو دغه ډبره د برازيل په شمال د کانايبا په کان کې موندل شوی چې اوږدوالی يې د يونيم متر په اندازه دی.
کارپوهان وايي، دغه ډبره په ډير مهارت راويستل شوې او که لږ درز هم پکې راغلی وی نو د هغه قيمت به يې ډېر راکم کړی وی.
د قيمتي ډبرو پيژندونکو ويلي، ښايي دغه ډبره د ۴۵۰ ميليونه ډالرو په ارزښت قيمت ولري او په وينا يې که دغه ډبره پاکه شي، نو له ۲۰۰ زرو قيراطو زيات زمرود ترې ترلاسه کيدلی شي.
