یو تن امریکایي سرتېری په سوریه کې وژل شوی
(کابل ټکی کام ۶ غبرګولی، ۱۳۹۶) محمدحارث
د ورکړل شوو راپورونو له مخې یو تن امريکایي سرتېری په سوریه کې وژل شوی، د امریکا پوځ د یوې اعلامې په خپرولو سره منلې چې ددوی یو تن عسکر د سوریې په شمالي برخه کې وژل شوی دی.
په سوریه کې د ګډو ځواکونو عمومي قومندانۍ د یادې پېښې په اړه د زیات تفصیل ورکولو څخه ډډه کړې خو ویلي یې دي چې د سوریې په شمال کې د موټر د چپه کېدو له امله یاد امریکايي سرتېری اول ټپي شوی او بیا یې د سختو ټپونو له امله ساه ورکړه.
د پنتاګون په وینا امریکا په سوریه کې په سلګونه سرتیري او نظامي مشاورین لري چې د داعش پر ضد جګړه کې د سیمه ییزو وسلوالو ډلو سره مرسته کوي.
