لوګر: د نا معلومه وسله والو په برید کې د خوښۍ ولسوال ټپي شوی
(کابل ټکی کام ۷غبرګولی ۱۳۹۶) محمدحارث
د تر لاسه شویو خبرونو له مخې د لوګر ولایت د خوښۍ ولسوال عبدالحمید حامد له خپلو دوه ساتونکو سره د وسلهوالو مخالفینو په يوه بريد کې ټپي شوی دی.
د لوګر ولایت د والي ویاند سلیم صالح له ازادۍ راډيو سره په مرکه کې وویل، چې په عبدالحمید حامد باندې نن یکشنبه سهار د مرکز اړوند د وزیر کاریز په سیمه کې هغه وخت د ناڅرګنده وسله والو له لوري حمله تر سره شوه چې کله نوموړی ولسوال “حامد” له کور څخه د دفتر په لور روان و.
نوموړي زیاته کړه: “نن سهار نههنیمې بجې په ولسوال عبدالحیمد باندې هغه وخت وسلهوالو مخالفینو حمله وکړه چې له کوره د خپل کار په لور روان و، په دغه حمله کې ولسوال له خپلو دوو ساتونکو سره ټپي شوی.”
د والي ویاند صالح زیاتوي،چې ولسوال دمګړۍ د درملنې لپاره کابل ته انتقال شوی او نوموړي د ټپي شوي ولسوال د صحت په اړه څه نه دي ویلي.
تر اوسه د یادې حملې مسئوليت کومې وسله والې ډلې په غاړه ن دی اخيستی، خو په سيمه کې طالبان وسله وال فعاليت کوي، چې وخت ناوخت په دولتي لوړرتبه چارواکو بريدونه ترسره کوي.
