هند: تندر لوېدلو او زیاتو ورښتونو لسګونه خلک وژل شوي
(کابل ټکی کام ۸ غبرګولی ۱۳۹۶) محمدحارث
د هندوستان هیواد د بیهار په ایالت کې د سختو ورښتونو او د تندر د لوېدلو له امله ۲۳ تنه وژل شوي، له سیمې څخه ترلاسه شوی معلومات ښیي چې د بیهار په ایالت کې د تندر د رالوېدو له امله ۱۸ تنه ووژل شول چې پنځه تنه نور بیا د سختو ورښتونو په پایله کې د راوتلو سیلابونو له امله وژل شوي دي.
د بیهار ایالت د ژغورنې د ادارې ویاند خبري رسنیو ته ویلي دي: چې په تېرو ۲۴ ساعتونو کې د بیهار په ایالت کې د سختو بارانونو او تندر د لویدو په پیښو کې ۲۳ تنو ژوند د لاسه ورکړی دی .
هغه ویلي دي چې د هند حکومت په یاد شوي ایالت کې د طبعي پېښو د قربانیانو سره د هر تن کورنۍ ته د ۴۰۰۰۰۰ هندي کلدارو د مرستې پریکړه کړې ده.
