کابل لاريون کې د مشرانو جرګې د مرستيال ځوی وژل شوی
(کابل ټکی کام ۱۳۹۶غبرګولی ۱۲) الماس خدرخېل
د کابل د وروستۍ چاودنې په تړاو له سهار راهيسې د يو شمير هېوادوالو له لوري لاريون روان دی، چې په دغه لاریون کې د مشرانو جرګې د لومړي مرستيال محمد علم ايزيار ځوی هم وژل شوی دی.
ايزديار ته نږدې کسانو ازادۍ راډيو ته ويلي، چې نوموړی د مظاهره چيانو او پوليسو تر منځ په نښتو کې وژل شوی دی.
لاريون کوونکي ډیری يې د شمال ټلوالې او د رباني د ګوند غړي او پلويان دي چې ځينې يې په پوځي لباس او وسلې هم لري.
لاريون کونکو په ولسمشر اشرف غني، حکمتيار او د حنيف اتمر پر ضد شعارونه ورکول.
د افغانستان د کورنیو چارو وزارت امنیتي معین جنرال مراد علي مراد رسنیو ته وویل چې په ننني لاريون کې یو شمېر پولیس او مظاهره چیان ټپیان شوي هم دي.
