د ایران پارلمان کې ډزې او د خميني مقبره کې چاودنه شوې
(کابل ټکی کام ۱۳۹۶غبرګولی ۱۷) الماس خدرخېل
د ايران رسنيو راپور ورکړی، چې د دغه هېواد په پارلمان ته وسله وال داخل شوي ډزې روانې دي او د پارلمان يو شمير غړي پکې ټپيان شوي دي.
د ایران تسنيم اژانس ويلي، په ډزو کې تر دې مهاله د پارلمان يو ساتونکی ټپي شوی دی.
خو د الجزيره د راپور له مخې په ډزو کې ټول اته تنه ټپي شوي دي، تر اوسه د وژل شويو په اړه څه نه دي ويل شوي.
د ارنا خبري اژانس ويلي، یوه بريدګرله ډزو وروسته د ایران د انقلاب مشر ایت الله خمیني مزار کې ځان ته چاودنه ورکړې ده.
د اسوشیتید پرس خبري اژانس بیا د ایران د دولتي رسنيو له قوله راپور ورکړی، چې څلورو وسله والو او په پارلمان او مقبره بريدکړی چې يو پکې ځان ته چاودنه ورکړې ده.
ډزې اوس هم روانې دي، د وژل شويو په اړه کره معلومات نه دي ورکړل شوي.
د پارلمان غړي وايي، بريدګر د امنيتي ځواکونو له لوري کلابند شوي دي.
