داعش د ایران په پارلمان او مقبره د بريد مسئوليت منلی
(کابل ټکی کام ۱۳۹۶غبرګولی ۱۷) الماس خدرخېل
نن له غرمې مخکې د څلورو وسله والو له لوري د ايران په پارلمان او د انقلابي مشر خميني پر مقبره بريد ترسره شو.
په دغه بريد کې يو شمير کسانو ته مرګ ژوبله اوښتې ده.
د پارلمان د یوه غړي الیاس حضرتي له قوله ویل شوي، چې په پارلمان کې په ډزو سره دوه ته وژل شوي او اته نور ټپيان دي.
د ايران تسنيم خبري آژانس همدا اوس د پارلمان ودانۍ په پاسني پوړ کې د وسله والو له لوري د څلورو کسانو د برمته کېدو خبر ورکړ.
لومړی سرتیری برید د خميني په مقبره کې وشو له هغې وروسته وسله واله نښته پيل شوه.
د تهران والي حسين هاشمي وايي، د مقبرې په بريد کې يو تن وژل شوي او يو شمير نور ټپيان دي.
د ايران په پارلمان او د خميني په مقبره د ننيو بريدونو مسئوليت د داعش يا اسلامي دولت په نوم وسله والې ډلې په غاړه اخيستی دی.
