د برما د پوځ د ورکې شوې الوتکې لويه ټوټه موندل شوې
(کابل ټکی کام ۱۳۹۶غبرګولی ۱۸) الماس خدرخېل
د برما چارواکي وايي، د هغې ورکې شوې الوتکې ټوټه يې ميندلې چې د جنوبي ښار مياک او رنګون تر منځ د الوت پر مهال نادرکه شوې وه.
د هوايي ډګر چاراکو اې ایف پي خبري اژانس ته ویلي الوتکه کې ۱۰۵ سپرلۍ او د عملې ۱۱ کسان ناست وو.
د دغه هېواد د پوځ مشر وايي، په الوتکه کې له نيمايي زياته سپرلۍ پوځيان او د هغوی د کورنۍ غړي و.
نوموړی زياتوي، د غورځېدلې الوتکې يوه لويه ټوټه يې د ميانمار په جنوي سواحلو کې موندلې ده.
دی وايي، د الوتکې د ټوټې په داخل کې څو جسدونه هم ميندل شوي دي.
د هوايي چلند ادارې ويلي، کله چې الوتکه داويې ښارګوټي شل کيلومترۍ ته نږدې شوه ورسره اړيکې پرې شوې.
تر اوسه د الوتکې د لويدو علت نه دی په ډاګه شوی، خو چارواکو ويلي چې تحقيقات يې پیل کړي دي.
