عرفان الله عرفاني
په کفن کې ستوري
راټولومه په لمن کې ستوري
څه په څادر کې،څه کفن کې ستوري
څومره بې شمېره له مداره وتي
خواره واره دي په وطن کې ستوري
سپوږمۍ پرې وايي له ډېر غمه ساندې
دانه دانه ږدي په لګن کې ستوري
لمر راروان دی جنازې لپاره
کتار کتار ايښي مدفن کې ستوري
د اسمان غېږه به ترې ډکه چې وه
نه ښکاري اوس په ماخوستن کې ستوري
را ورېدلی دی شبنم پر دښتو؟
که چا شيندلي دي چمن کې ستوري
(عرفاني) ځمه ترې آمېل جوړوم
را ټوکېدلي په ګلشن کې ستوري
کابل ټکی کام یوه ازاده او خپلواکه وېبپاڼه ده
په کابل ټکی کام کې نشر شوي لیکنې او تبصرې یوازي د لیکوالو نظر څرګندوي، زموږ د ویبپاڼې توافق ورسره شرط نه دی .
-----------------------------------
Kabull.com is an independent news
website in Afghanistan
Commentaries and articles published here, represent the views of their authors solely. They do not reflect the editorial policy of the website
زموږ بريښنالیک ادرس
kabullnews@gmail.com
