د ماليزيا يوه پوځي الوتکه لادرکه شوې
(کابل ټکی کام ۱۳۹۶غبرګولی ۲۵) الماس خدرخېل
يو شمير رسنيو د ماليزيا د هوايي ځواکونو له قوله خبر ورکړی چې د دوی يوې پوځي الوتکې اړيکې پرې شوي او لادرکه شوې ده.
د دغه هېواد هوايي ځواک ويلي، چې هاواک ۱۰۸ډوله جنګي الوتکه غرمه مهال د کوانتان له پوځي اډې الوت وکړ چې لږه شېبه وروسته يې د اډې د رادار سره اړيکه پرې شوه.
په راپور کې دا نه دي ويل شوي، چې په دغه الوتکه کې څو تنه سپاره و، خو د ماليزيا د هوايي ځواکونو چارواکي وايي، چې د ورکې شوې الوتکې د لټون عمليات يې پيل کړي دي.
