سعودي په یوه کښتۍ کې ۳ ایراني سرتېري نیولي
سعودي عربستان د ایران د اسلامي انقلاب د ساتونکو د لښکر درې سرتېري نیولي.
رویټرز آزانس د سعودي داطلاعاتو د وزارت له قوله خبر ورکړی چې یاد سرتېري د سعودي عربستان د مرجان د تیلو ډګر ته نږدې په یو کښتۍ کې نیول شوي.
د چارواکو له قوله د دې کسانو سره په کښتۍ کې وسلي هم موندل شوې دي.
د راپورونو په اساس دوه نورې کښتی، د سیمي څخه په تېښته بریالي شوي.
د سعودي دولت څارنوالۍ ویلي چې دوی د یادو نیول شوو سرتیرو څخه تحقیقات پیل کړي او د پلټنو په نتیجه کې به د دوی برخلیک هم معلوم شي.
د یادونې وړ ده چې د سعودي او ایران تر منځ کړکیچ ورځ تر بلې په زیاتیدو ده او پدې وروستیو کې ایراني چارواکو پدې هیواد کې د وروستیو بریدونو پړه په سعودي او امریکا ور واچوله.
د چارو څیړونکي په دې اند دي چې هره شیبه د دې احتمال شته چې دواړه هیوادونه دې نظامي ټکر سره وکړي.
فرید افغان
