چين کې د ځمکې ښوېيدو پېښه کې سل کسان ورک دي
(کابل ټکی کام ۱۳۹۶چنګاښ ۳)
د سيمه ييزو رسنيو د راپورونو پر اساس د چين په سيچوان ولايت کې د ځمکې ښوېيدو پېښه کې ۴۰ کورونه د خارو لاندې شوي چې لږ ترلږه سل کسان پکې لادرکه شوي دي.
د یاد ولايت د شينمو ولسوالۍ د مایوشیان کلی چې د غره په لمنه کې پروت دی نن سهار د سختې زلزلې له امله ټول ښوېيدلی دی.
د پېښې ځای ته مرستندويه ډلې او بلډوزرونه رسېدلي د لادرکه خلکو لټون يې پيل کړی، خو تر دې دمه يې څوک موندلي نه دي.
د چین د شینهوا خبري اژانس ویلي، د دې ځمکې ښويېدنې له امله د سيند غاړې دوه کيلو متره کې پراته کلي هم زيانمن کړي دي.
ښايي په پېښه کې د قربانيانو شميره تر دې هم لوړه شي.
-الماس خدرخېل-
