د بالتیک هیوادونو لخوا د روسیې پولې ته نږدي د څو هیوادونو پوځي تمرینات روان دي. روسیې ویلي دا تمرینات له نږدې څاري.
روسیې خپلې پوځي الوتکې د بالتیک فضا ته نزدې استولې ترڅو په سیمه کې خپل نظارت وکړي
آخوا بیا د لتوانیا د دفاع وزارت ویلي چې دوو مواضعو کې روسۍ الوتکې په غیر قانوني توګه د دغه هیواد فضا ته ننوتې دي.
بلخوا په سیمه کې د یوې روسۍ الوتکې لخوا شوې ویدیو خپره شوې پکې ښکاري چې پولند یو F-16 ډوله الوتکه هغي روسۍ الوتکې ته نزدې شوې چې د روسیې د دفاع وزیر سرګي شوګو، پکښې د سفر په حال کې وو. د خبرونو په اساس د پولنډ یاده الوتکه هغه وخت تیښتې ته اړ شوه چې یوې روسۍ تعقیبي الوتکې مداخله وکړه.
د ناټو مرستیال ویاند پیرس کیویلیت، له رسنیو سره په خبرو کې ویلي چې لسګونه روسۍ الوتکې چې پکې بم اچوونکې، جنګي، ترانسپورتي او نورې الوتکې شاملي دي د بالتیک سمندرګي شاوخوا پروازونه کوي .
د ناټو ځینې چارواکي بیا تور پورې کوي چې روسیه یوازې پر بالتیک سمندر باندي په دغه شان اقداماتو لاس نه پوري کوي، بلکي په تور سمندر کې هم ورته پیښې رامنځ ته شوې دي.
