وروسته له هغه چې د عرب هیوادونو ۱۳ غوښتنې قطري دولت نا معقولې او بیځایه وبللې تازه په تازه په مسکو کې د متحده عربي اماراتو سفیر عمر غباش د برتانيې گاډين ورځپاڼې ته ويلي، چي پر قطر د نورو سختو بندیزونو پلان لري.
نوموړي ویلي ښایی قطر نور له خلیجي هیوادونو سره هم مخه ښه وکړي د نوموړي په خبره د سعودي په مشرۍ د قطر مخالف هېوادونه له خپلو دوستو هېوادونو غواړي، چي «يا دې له قطر سره سي او يا هم له دوی سره.»
د روانې مياشتې په پيل کي څلورو عرب هیوادونو ( سعودي،متحده عربي اماراتو، بحرین، مصر) له قطر سره هر ډول اړيکي پرې کړې او قطر سره هوايي، ځمکنۍ او سمندرې لارې هم وتړلې.
د دوی په وینا چې قطر اخوان المسلمین ، او فلسطیني حماس ډله تقویه کوي او په دې هیواد کې یې ورته د سیاسي فعالیت زمینه برابره کړې ده.
ترکيې، کويټ اوځينو نورو دولتونو د خليج ډيپلوماټيک کړکيچ د هواري په موخه سعودي عربستان او نورو ښکيلو هېوادونو ته د منځگړيتوب لپاره وړانديزونه وکړل ،
خو یادو هیوادونو د کویت په لاس د ۱۳ غوښتنو په عملي کیدو روغې جوړې ته زړه ښه کړ چي تر ټولو مهم يې په کي د الجزيرې ټلويزيون تړل، له ایران سره د اړيکو محدودول، او له قطر څخه د ترکيې پوځي اډه ويستل ؤ.
همداراز قطر ته لس ورځې وخت ورکړل شوی ؤ چې دا چارې باید پکې تر سره کړي.
خو قطر یې په ځواب کې ټولې یادې غوښتنې رد کړې
د قطر د بهرنيو چارو وزير شيخ عبدالرحمن آل ثاني په خپلو وروستيو څرگندونو کي د مخالفو هېوادونو غوښتنې پر قطر «تېری» بللی دی او زياته کړې يې ده، چي دا ډول غوښتنې د دوی لپاره د منلو وړ نه دي.
اوسمهال د قطر او کويټ د بهرنيو چارو وزيران د دې کړکیچ د هوارولو په موخه واشنگټن ته رسیدلي ترڅو له هغوی سره د یاد دیپلوماتیک تاوتریخوالي په اړه وویني.
بلخوا په ملګرو ملتونو کې د امریکا سفیري «نیکي هیلی» ویلي چې د قطر پر ضد د سعودي بندیزونه د امریکا لپاره ښه فرصت دی چې په دواړو لوریو خپلې غوښتنې ومنې.
د سعودي عربستان د بهرنيو چارو وزير عادل الجبیر وايي، چي قطر ته د سپارل شوي نوملړ په اړه «هېڅ ډول خبرو ته چمتو نه يو.»
د شنونکو په باور سعودي ته د ټرمپ له سفر وروسته د دې کړکیچ رامنځته کیدل د امریکا او اسرایلو پلان شوې طرحه ده ترڅو په خلیج کې د بحران نوې څپې پیل کړي.
