سلګونه کفن پوشو هراتیانو د حکومت پر ضد لاریون وکړ
هرات میشته مدني فعالانو د حکومت د روان ترینګلي وضعیت او نا اهلۍ پرضد يو نوی بې مخینې لاریون وکړ.
لاریون کونکي چې شمېر یې شاوخوا ۴۰۰ کسانو ته رسیده د کفن په اغوستلو سره یې د هرات ولایت مخې ته د عدالت غوښتنې شعارونه ورکول او حکومت یې په بې کفایتي تورنوو
لاریون کونکو ویل چې هراتیانو ته د حکومت له لوري د شپږمې ګوټې په څېر کتل کيږي او ” موږ نن کفن په غاړه کړی دی، چې د پاکۍ او ريښتینوالی نښه ده او غواړو چې د سر په بیه د خلکو له حقوقو دفاع وکړو”.
مظاهره چیانو د نا امنۍ زیاتوالي، اداري فساد، بې کاري او ګڼو نورو ستونزو یادونه کوله.
لاریون والو خبرداری ورکړ چې که په یوه میاشت کې دننه یې حکومت ستونزو ته رسیدنه و نکړي نو د ولایت دروازه به وتړي.
د یادونې وړ ده چې هرات د افغانستان درییم ستر ولایت دی چې شاوخوا ۵ میلیونه نفوس لري.
مظاهره چیانو حکومت تورن کړ چې هرات ته یې هیڅ راز توجه نده کړې د لاریون والو په وینا چې مرکزي حکومت د دې ولایت په نا امني او ټولو ستونزو کې ښکیل ده
