د فاریاب ولایت والي همایون فوزي رسنیو ته ویلي چې په دې ولایت کې د طالبانو د جګړو له ویرې ځینې پوځي قوماندانان خپلو عسکرو ته امر کوي تر څو خپلې پوستې تخلیه کړي.
والي ویلي چې قوماندانانو خپلو تر لاس لاندې کسانو ته ویلي چې که ناشونې وه مهمات دې هم طالبانو ته ور پریدي او ځانونه دې وژغوري.
دا پداسې حال کې ده چې نن سهار د فارياب د پوليسو وياند عبد الکريم يورش سلام وطندار شبکې ته په خبرو کې وویل ، چې د دې ولایت اړوند د دولت اباد سیمه کې د طالبانو په بريدونو کې څلورو پوستو او ۱۲ کليو سقوط کړی دی. نوموړي زياته کړې ده، چې د ولسوالۍ په يو کيلو مترۍ کې جرقلعه، چمن قشلاق، کوسه قلعه، بازار قلعه او کهنه بازار کلي د طالبانو په ولکه کې دي.
ښاغلی يورش څرګندوي چې بلچراغ ولسوالۍ کې هم د بريدونو پر مهال کمرک، سرسيخ، شورابک، نوآباد، چغاتک، قيرمه او قشلاقلي کلي د امنيتي ځواکونو له لاسه وتلي او طالبانو نيولي دي.
د یادونې وړ ده چې د هیواد په شمالي ولایاتو کې جګړو زور اخیستی او طالبان د پرمختګ دعوه کوي
