کابل ټکی کام ۲۶عقرب/۱۳۹۴
قدرت الله حسین
د پاکستان په بلوچستان ايالت کې له پنجابه راتلونکی يو اورګاډی له پټلۍ اوښتی دی، چې له امله يې لږ تر لږه ۱۳ تنه وژل شوي او ۲۰۰ نور ټپيان دي.
د پېښې عيني شاهدان وايي، چې په ټپيانو کې د ۳۰ تنو حالت مرګونی دی.
اورګاډی د ډېرې تېزۍ له امله اوښتی دی.
پېښه د کوټې ښار جنوب لور ته ۸۰ کلو متره لرې د بولان سيمې په اب ګم نومې رامنځته شوې ده.
اورګاډي د جعفر ايکسپرېس اړوند دی، چې ۴ ډبې يې له پټلۍ اوښتې دي او ياده مرګ ژوبله يې اړولې ده.
د پېښې ټپيان د سيمې د لرې والي له کبله ډېر ځنډ وروسته روغتون ته لېږدول شوي دي.
د بولان سيمې چارواکو ويلي دي، چې په پېښه کې له ۲۰۰ تنو ډېر ټپيان دي، چې يوه برخه يې په مرګوني حالت کې دي.
