روسیه: که اړتیا شوه په افغانستان به پوځي یرغل وکړو

روسیه: که اړتیا شوه په افغانستان به پوځي یرغل وکړو

په کابل کې روسي سفیر په خپلو وروستیو څرګندونو کې ویلي چې که د داعش د نفوذ خطر زیات شو ښایي نظامي مداخله وکړي.
نوموړي ګواښ کړی، چې که امريکا او افغان حکومت د داعش په ځپلو کې پاتې راغلل، مسکو به له پوځي لارو چارو کار واخلي.

کابلوف ویلي چې د داعشي ملیشو د نفوذ ډیرښت دوی اندیښمن کړيدي.
نوموړی ویلي چې یاده ډله منځنۍ اسيا ته د نفوذ هڅې کوي او دې هڅو روسيې ته ستر سرخوږی جوړ کړی نوموړي ویلي چې دوی د دې ډلې د نفوذ په مخنیوي کې بې تفاوته نه پاتې کیږي.

په دې وروستیو کې راپورونه خپاره شو چې داعشیان په افغانستان کې د یو خوندي مرکز د موندلو په هڅه کې دي تر څو له دې مسیره د منځنۍ آسیا هیوادونه په تیره بیا روسیه هدف وګرځوي.

روسي چارواکو په ځلونو امريکا او افغان دولت د داعش په ملاتړ تورن کړي،.

امريکا او افغان دولت د روسيې د دې څرګندونو په اړه څه نه دي ويلي، خو شنونکي په دې اند دي، چې که روسيه په افغانستان کې پوځي مداخله وکړي، ښایي افغانستان په دوهمه سوریه بدل شي.