ابوبلال
له تېرو شپاړلس کالو څخه د صلیبي مزدورانو او امریکایي لاسپوڅو په خوله همدا خبره راڅرخي چې طالب د پنجاب غلام دی یا پنجاب پلوه دی یا د پنجاب دګټو لپاره جنګ کوي، یا پنجاب پرې حاکم دی، دا، او داسې بلا بېهوده خبرې په عامو مجالسو، له غربي رسنیو او په خواله رسنیو (سوشل میډیا) کې اوریدل کېږي چې له بده مرغه دکمزوري ایمان خاوندان یقین په کوي.
راځئ لږ دې خبرو ته دیوه سالم عقل او یوه روغ هوښیار انسان په توګه د ازاد ضمیر او عقیدې په قضاوت ژور فکر وکړو.
که بالفرض ومنو چې طالب د پنجاب په خوله دافغانانو بچي وژني، نو که همدا مفروضه د ځان لپاره واخلئ، آیا دومره به پست شې چې د پنجابي په خوله خپل افغان ورور ووژنې؟
که چېرته خبره دمادیاتو شي نو طالب خو دمادیاتو له نړۍ بیخي لرې او هیڅ تړاؤ ورسره نه لري
که دعقیدې خبره شي نو بیا خو پنجابی تر افغاني لومړی د وژلو مستحق دی ځکه پنجاب چې څومره خیانت او جفا له اسلام او امارت اسلامي سره کړې شاید امریکا هم نه وي کړي.
او که چېرته دا ومنو چې طالب افغانی دی خو دپنجاب د ګټو لپاره وطن ورانوي؛ نو پوښتنه داده چې طالب مشران کومو موخو ته درسیدو لپاره پردی چوپړ وهي؟
که واک یې موخه وي، واک خو ورسره و ولې ترې تېر شوه؟
که مادیات یې موخه وي، پنجاب خپله په سوال ټوک ډوډۍ ته ناست دی او که بله کومه موخه لري تاسو یې ووایئ؟
که ووایو چې طالب د پنجاب تر تاثر لاندې دی نو راځئ دا هم د حقایقو په رڼا کې تحلیل کړو
طالب په کومه معنا د پنجاب تر تاثر لاندې دی؟
که عقیده راواخلو نو بیا خو د هیواد د اردو، یا د دولتي چارواکو او ځینو علماؤ عقیده په څو واره د پنجابیانو تر عقیدې بهتره ده. اقلاً د یوه مجاهد ملت بچیان خو دي، نو طالب په دا شل کاله کې څنګه ددې فوځ او درباري علماؤ تر تاثیر لاندې رانغی چې دپنجاب له عقیدې متاثر شو؟
او که خبره د مادیاتو په لحاظ واخلو نو آیا پنجاب به طالب ته ډېر امتیازات ورکړي او که افغان دولت او امریکا؟
آیا هغه امکانات چې د افغان دولت او امریکا په لاس کې شته، له پنجاب سره شتون نه لري؟
او که طالب چېرته د کوم مجبوریت په بنیاد دپنجاب لپاره ځان وژني نو دا به څومره افراد وي چې پنجاب ته مجبوره وي؟
دا له شپاړلس کالو راهیسې چې جنګېږي دا استشهادیان، فدایان او عام مجاهدین چې تر لکونو یې تعداد رسیږي، دا ټول یو مخ پنجاب ته مجبور دي؟
آیا دا ده دمنلو وړ منطق دی؟
یوه بله خبره:
تاسو همدې غربي لاسپیکرو ته په خپل خدای قسم ورکړئ چې په دا شل کاله کې مو کوم پنجابی عسکر ژوندی نیولی؟
دکوم پنجابي فوځي مړی مو خلکو ته ښکاره کړی؟
د پنجاب کومه جنګي الوتکه مو لیدلې چې طالب ته یې اسلحه او جنګي تجهیزات اکمال کړي وي، او یا یې د طالب دښمن بمبار کړی وي؟
لنډه به دا درته ووایم چې په هغه ذات مې دې قسم وي چاچې دا دنیا پیدا کړې، دچا په قبضه کې چې زما روح دی طالب یواځې او یواځې د پاکې سپیڅلې عقیدې په مټ د مقدس جهاد په نیت، د اعلاء کلمة الله لپاره او د یوه شرعي او اسلامي نظام د حاکمیت لپاره سپیڅلې مبارزه کوي او په دغه لاره کې د سپکو سپورو کنځلو او رټلو په شمول د خپل خواږه ژوند او نازک وجود پروا هم نه کوي ځکه د یو پاک او ستر هدف لپاره داهیڅ هم نه دي
نور نو د خدای پر وړاندې د هر چا خپل مسئولیت پر خپله غاړه دی مګر دومره باید ووایم چې پښتو متل دی دروغ وایه په شرعه یې روغ وایه. نو که له طالب جهاد او اسلام سره دښمني کوي په نره او میړانه یې وکړه داسې دروغو او ناپړیتو ته هیڅ اړتیا نشته چې نه یې عقل مني او نه نقل.
