عاکف مهاجر
په اوسني دور کې د بیان د ازادي تر نوم لاندې ډيموکراتيک نظام غوښتونکي یا دیموکراتان د بیان ازادي ته ځانونه ژمن بولي، خو تر هغه حده رښتیا هم ژمن دي چې د دوی د حکومتونو تاوان نه وي او ګټه یې د دوی د لغړتوب او فحشا خپرولو وي.
خدای رسول مذهب ته بد نسبتونه دا د بیان ازادي ده خو بلخوا بیا که په نظام کې د اصلاح لپاره یوه خبره د نظام په ضد وکړې د نظام تر ټولو لوی دښمن ته بلل کیږې او لوی مجرم یې.
د بیان ریښتونې ازادي په اسلام او اسلامي قانون ته ژمنو واکمنانو کې ده او وي به.
د غزا او د ښمن سره د مقابلې د صفونو برابر والی وو د لښکر سالار صفونه سمول یو کس راوړاندې شو زه د خپل انتقام غوښتونکی یم او خپل بدل غواړم ملګري یې حیران شول څه پیښه وشوه دلته د جنګ لښکرې خپل صفونه سموي او له سالار د انتقام اخیستلو غوښتنه کیږي دوی کوشش کوي تر څو په بدل کې خپله مخکې شي او بدله دوی پرې کړي سالار د مقابل په غوښتنه په خوښي خپله وړاندې کیږي او ورته وایي خپل غچ مو واخلی خو هغه وایي هغه مهال زما زغره کمیس هیڅ په بدن نه وو غواړم هم هغه رنګ انتقام واخلم خو د لښکر مشر په رضا د هغه غوښتنه مني او کمیس لرې کوي خپل وجود ورته ښکاره کوي وایي خپل غچ مو واخلی ټول لښکر حیران دی دا څومره سخت زړی سپاهي ده چې د لښکر په مشر او رهنما باندې یې رحم نه راځي خو هغه بیا وروسته مهر نبوت ښکلوي او عفوه کوي دغه سالار د مسلمانانو مشر او لارښود محمد رسول الله صلی الله علیه وسلم وو چې په خوښه یې ځان انتقام اخیستلو ته وړاندې کولو دغه ته د بیان ازادي وایي او دغه د بیان ازادي ده چې د حق غوښتنه یې د هغه په مرۍ کې وچه نکړه او ازاد بیان ته پریښودلی شو.
خو اوس یې د صلیب بندګان د اسلام په مقابل کې دین ته د توهین لپاره د یوې وسیلې په توګه کاروي او د بیان د ازادي نوم ورکوي دغه تش د شعار په توګه کاروي په حقیقت کې هیڅ شتون نلري،
ښه بیلګه یې همدا لنډ څو ورځې وړاندې د بیان د ازادۍ د نعرې وهونکو د صلیب د بندګانو تش په نامه مسلمانانو له لوري د کابل میشتي لیکوال او شناند انجینر نظرمحمد مطمئن نیول دي او د هغه همنظرو ته د اخطار ورکولو ښه بیلګه ده.
مونږ پوهيږو او باید پوه شو چې د بیان ازادي د نړۍ د بې لارو او لار ورکو له لوري د دین او مذهب په مقابل کې د دین د سپکاوي او خدای جل جلاله او رسول اکرم صلی الله علیه وسلم ته توهين لپاره ده بل هیڅ کوم یې نه بولو او نه یې باید وبولو.
