(کابل ټکی کام ۱۳۹۶ زمری ۱۴ فرید افغان)
د حزب اسلامي یوه پخواني قوماندان زرداد فریادي رسما ومنله چې څو اونۍ وړاندې دځینو کړیو لخوا چې نوموړي مشخص کړي ندي د حکمتیار د ترور هڅه شوې وه
زرداد په یوه لیکلي پیغام کې چې په ټولنیزو رسنیو کې خپور شوی دی ویلي چې ‹‹تاسو د ټولنیزو رسنیو له لارې خبر شوي یاست، چې د ایران بې شرمه جاسوسانو د مجاهد ورور حکمتیار صاحب د ترور توطئه جوړه کړئ وه چې له نېکمرغه دغه شومه توطئه عملي نشوه، او پر وخت شنډه شوه.››
زرداد ویلي دا کار د سولې پرضد ګمارل شوې دسیسه وه او په وینا یې چې ‹‹ که حکمتیار صاحب د دغه توطئه ښکار شوای وای، نو دا به د سولې په راوستلو کي يو لوی خنډ ګرځيدلای وای››
زرداد ندي ویلي چې حکمتیار د سولې په باره کې کومې لاسته راوړنې درلودلې دی.
زرداد داکار غندلی او ویلي یې دي چې له حکمتیار څخه هر ډول دفاع ته تیار دي
زرداد ندي ویلي چې برید د شمالي ټلوالې لخوا شوی ؤ او که د بلې کومې وسلوالې ډلې لخوا خو په وینایې چې مخالفین پیژني او مخالفینو ته یې ګوتڅنډنه کړې چې پرضد به یې له هیڅ حربې دریغ ونکړي
دیادونې وړ ده چې تیره اونۍ داخبر چې ګواکې په حکمتیار د برید هڅه شوې ده په ټولنیزو رسنیو کې ډیر لاس په لاس شو چې بیا د حزب فرهنګي مشر قریب الرحمان سعید رسما رد کړه او دا یې افواهات وبلل.
باید وویل شي چې حزب د شمالي ټلوالې سره هم ترینګلې اړیکې لري خو وخت ناوخت یې مشر په طالبانو هم توندې نیوکې کوي .
چې طالبانو یې تر اوسه هیڅ کومې وینا ته د ځواب ورکولو ارزښت ندی ورکړی .
شنونکي وایي ګډ حکومت غواړي ترڅو دخپلې بقا لپاره له حزب اسلامي څخه د دفاعي قوې په حیث د خپلو ټولو وسلوالو او سیاسي مخالفینو په مقابل کې کار واخلي.
حکمتیار دایراني جاسوسانو اوکه د زړو کمونستو خادستانو أتمر خیلو لخوا ترور کیده: البته یواځې حکمتیاران به عقل لرې او د وښولاندې به پټې اوبه بهه وي آیا دکمونستانو هغه ورځي هیرې شوې چې حکمتیار به دپوهنتون په دوران کښې دهغو په خلاف څه ترسره کول، اوکمونستانو دمشرانو په وژنه تر زندانه ورسیده او بیا ئې دهغو په خلاف دجهاد په دور کښې بې ساري جنګونه او وژنې وکړې ، موخه مې دادی چې حکمتیار به شمالي ټلواله هم ترور کړي خو دا په باور سره وایم چې کمونستان به ئې دترور ډیر زیار وباسي، ځکه دوی بنیادي کینه او بغض وسره لري، دا نو بیا بیله خبره ده چې حکمتیار ولې په خپلو بنیادي دوښمنانو باور وکړ ، البته له حکمتیار صاحب څخه به تیر تاریخ هیر وی،