اسلامي دولت (داعش) وروسته له هغې د عراق په شمال کې پر امریکایی ځواکونو د برید مسؤلیت پر غاړه واخیست چې امریکایی فوځ څو ساعته وړاندې اعلان کړی و چې په دغه جنګې سیمه کې د دوې له سرتیرو دوه سرتیري وژل شوي او پنځه نور ټپیان شوي دي.
اسلامي دولت تنظیم په خپله هغه اعلامیه کې چې د تیرې یکشنبې په ورځ یې په نټ خپره کړې ویلي دی چې سرتیرو یې د موصل ښار لویدیځ ته د تلعفر ښار په خیتځ کې پر امریکایی ځواکونو د ګراډ توغنديو برید کړی، دا هغه سیمه ده چې تر اوسه هم د اسلامي تنظیم دولت (داعش) په لاس کې ده، او زیاته کړې یې ده چې په دغه برید کې یې ۴ امریکایی سرتیري وژلی او ۶ نور یې ټپیان کړي دي.
له بل پلو نه امریکایی فوځ په خپل یوه اعلامیه کې ویلي دي چې معلومات ښئ چې پیښه د (اعلامیې په وینا) د دښمن له لورې نده ترسره شوې خو بیا هم تحقیق روان دي څو د پیښې په اړه کره معلومات ترلاسه شي.
امریکایی فوځ وعده وکړه چې د پیښې په اړه به په مناسب وخت کې کره معلومات وړاندې کړي.
په عراق کې امریکایی ځواکونه د عراقي وسله واله ځواکونو سره د مشورې ورکولو رول په غاړه لري او دا یې د ترهګرۍ په له مینځه وړلو کې د مرستو یوه اساسي برخه ده.
د آي کاجوالیټیز بنسټ له لوري چې په عراق کې د وژل شویو او ټپی شویو د احصائیې مسؤلیت په غاړه لري ویلي چې د ۲۰۱۷ کال راهیسې په عراق کې د ننني برید سره د امریکایی وژل شویو سرتیرو شمیر ۱۱ ته ورسیدو.
دا پیښه څو ورځې وروسته له هغې رامینځته شوه چې په بغداد کې امریکایی سفارت اعلان کړی و چې دوی اطلاع تر لاسه کړې وه چې د امریکایی حکومت ځینې مسؤلین او نور عام خلک د اختطاف له پیښو مخ کیدونکي دي، په همدې اساس یې د بغداد نه د باندې د خپلو کارمندانو پر ګرځیدو ځینې قیودات لګولي وو، همدغه راز یې په بصره ښار کې هم د امریکا د قونصلګرۍ کارمندانو ته د احتیاط کولو هدایات ورکړی وو.
له بلې خوا د سید الشهداء ملیشو چې د ولسي غورځنګ ځواکونه دي د امریکایانو د څرګندونو په وړاندې سخت غبرګون ښودلی دی او ویلي یې دي چې امریکایی ځواکونو تیره دوشنبه د عراق-سوریې پر پوله د دوې پر مورچلو بمباري کړې چې د دوی له سرتیرو نه یې په لسګونو سرتیري وژلي او ټپیان کړي دي، خو امریکایی فوځ د دغو ملیشو دغه ادعا رد کړې ده.
د الجزیرة نه په مننې
عزیر اسدخیل
