(کابل ټکی کام ۱۳۹۶زمری ۲۴): د هلمند ولايت په ګرشک وسله والو طالبانو د دولتي عسکرو په پوسته بريد کړی، چې په ترڅ کې يې د پوځ لس سرتيري وژل شي دي.
د هلمند ولايتي چارواکي پېښه تائيدوي او وايي، چې لسګونه وسله والو د سربند په سيمه کې د امنيتي ځواکونو په پوستو بريد کړی، چې دواړو غاړو ته پکې مرګ ژوبله اوښتې ده.
د دغه بريد مسئوليت طالبانو په غاړه اخيستی او کابل ټکی کام ته يې په رالېږلې خبرپاڼه کې ويلي، چې د دوی وسله والو تېره شپه د بندبرق په سيمه کې يوه پوسته نيولې، چې پکې دولس تنه عسکر وژل شوي او يو شمير نور ټپيان دي.
طالبان وايي، د وژل شويو عسکرو دولس ميله سپکه او درنه وسله او نور پوځي توکي هم د دوی لاسته ورغلي دي.
طالبان وايي، په دغه جګړه کې د دوی تنه وسله وال هم وژل شوي دي.
