(کابل ټکی کام ۱۳۹۶ زمری ۲۵ فرید افغان)
څو ورځې وړاندې د جوزجان ولایت د ګارنیزیون د مشر په توګه د جنرال دوستم ځوی یارمحمد دوستم وټاکل شو.
د جوزجان والي د نوموړي د ستاینې ترڅنګ وویل چې ټاکل شوې ده چې د نوموړي تر قوماندې لاندې به د امنیت، پولیسو، او ملي اردو شاوخوا ۲۰۰ تنه عسکر موجود وي تر څو دښار په امنیت کې رغنده رول ولوبوي.
اوس د کورنیو چارو او دفاع وزارتونو په جلا جلا توګه ویلي چې مرکزي حکومت د نوموړي له ټاکلو هیڅ خبر نلري .
د ګارنیزیون د ریس په توګه د دوستم د ځوی ټاکل او د کورنیو چارو، او د دفاع د وزارتونو ناخبري په ډاګه کوي چې حکومت د چارو په اداره کې له څومره ناتواني سره مخ ده.
یارمحمد دوستم داسې مهال وټاکل شو چې د دوستم او د ارګ ترمنځ مذاکرات یوځل بیا پیل شوي، ویل کیږي ګډحکومت به دایشجي په قضیه کې د دوستم له محکمې تیرشي، چې په بدل کې به یې دوست له عطانور څخه له کړي اتحاد نه لاس په سر شي.
تازه راپورونه ښیي چې نوموړی ښایي په لنډ راتلونکي کې کابل ته راشي.
شنونکي وایي د دوستم له راتګ مخکې د هغه ځوی په خپلسري توګه د ګارنیزیون د مشر ټاکل پدې معنا دي چې نوموړی له یوې خوا خپلو خلکو ته ځان نږدې کړي، او له بل پلوه حکومت ته خپل زور ښکاره کړي.
خو د حکومت بې کفایتي او د چارو له ادارې څخه نه خبرتیا ډیر خلک په حکومت بدګمانه کړي
