داعشيانو د کابل کې په یو جومات باندې خونړی برید کړی دی:

(کابل ټکی کام ۱۳۹۶وږی۳ فرید افغان)

راپورونه وایي چې نن دکابل په خیرخانه کې د قلعه نجاران اړوند د “امام زمان“ مسجد کې څلورو بریدګرو چې نظامي لباس یې په تن و، په داسې حال کې برید ترسره کړ چې خلک د جمعې لمانځه ته را غونډ شوي و.
تر اوسه ټولټال ۵ لویې چاودنې شوې او د امنیتي چارواکو له قوله ویل شوي چې جګړه پای ته رسیدلې

لومړني معلومات ښیي چې په برید کې لسګونه لمونځ کونکي او امنیتي سرتیري مړه او ژوبل شوي دي.
د کورنيو چارو وزارت وياند نجيب دانش رسنیو ته ویلي، چې شاوخوا يوه بجه او شل دقيقې څلور تنه وسله وال د قلعه نجارا څلور لارې سره د امام زمان تکيه خانې ته ننوتل لمړی یې د جومات محافظین ووژل وروسته یې په لمونځ کونکو ډزې شروع کړې.
تر اوسه د یاد برید په ترڅ کې ۱۶ کسان وژل شوي او ۳۶ نور ټپیان دي
طالبانو په یاد برید کې لاس لرل رد کړي او هغه یې غندلی دی
د برید پړه داعشي ملیشو منلې
باید وویل شي چې دا لمړی ځل ندی چې داعشي ملیشې د شیعه مسلمانانو په جوماتونو داسې حملې کوي بلکه ترې وړاندې یې هم په ځلونو ورته حملې کړې چې وروستۍ هغه یې په هرات کې وه