امریکا: څو شیبې وروسته ښایې د تکزاس آیالت سخت طوفان وځپي

(کابل ټکی کام ۱۳۹۶ وږی ۴ فرید افغان)

د امریکا د تکزاس آیالت والي خلکو ته اعلان کړی چې د مکسیکو لخوا څخه راروان د هاروي په نوم توند طوفان ته ځانونه چمتو کړي.
د یاد طوفان قوت ۳ درجې اټکل شوی او په یوه ساعت کې د ٢٠٠ کېلومټرو په رفتار تند جاکړ ورسره ملګري دي.
اټکل کیږي چې ښایي د دې اېالت ٦٠٠ کېلومتره پراخه ساحلي سیمه په خرابه بدل کړي.
د هوا شناسي چارواکو په راتلوونکو ٣ ورځو کې د سل سانټي مټره باران د اورښت اټکل کړی،
د تکزاس والي ګریګ آفټ د دې آیالت په ٣٠ ولسوالیو کې بیړنې حالت اعلان کړي.
داسې ویره موجوده ده چې دا سمندري توپان به د ۴٠ مېلېارد ډالرو په ارزښت په سلگونو زرو کورونو او تجارتي مرکزونو ته تاوان ورسوي او د انرژۍ بېه به هم خورا لوړه شي.
باید وویل شي چې د مکسیکو له خلیج نه هره ورځ د امریکا د خامو تیلو پنځمه برخه تیل راویستل کیږي، او د دې آیالت شاوخوا ۲۰۰ زره کورونه د ددغه سخت طوفان په لاره کې پراته دي.
د یادونې وړ ده چې پر ټکزاس باندې ١۴ کاله پخوا هم دا ډول تباه کوونکې توپان راغلی و.