روسيه: سيند ته د بس موټر لوېدو پېښه کې ۱۸ تنه وژل شوي
(کابل ټکی کام ۱۳۹۶وږی ۴): په روسيه کې د يوه خصوصي شرکت د سوارلۍ بس موټر سيند ته لوېدلی، چې له امله يې ۱۸ تنه وژل شوي او لسګونه تنه نور ټپيان دي.
دغه پېښه د کريميا ټاپووزمې ته نږدې د کرانسودار په سيمه کې رامنځته شوې ده.
د ورکړل شويو راپورونو پر اساس، په پېښه کې د تيلو د دغه شرکت له ۲۵ زيات کارکوونکي سخت ټپيان شوي، چې د تداوۍ په موخه روغتونونو ته رسول شوي، خو د يو شمير ټپيانو حالت نازک ښودل شوی دی.
د مالوماتو له مخې، دغه پېښه د بس موټر د بريکونو د شلېدو له کبله رامنځته شوې ده.
