(کابل ټکی کام ۱۳۹۶وږی۷ فرید افغان)
څو ورځې وړاندې د کندهار امنیې قوماندان ادعا وکړه چې د نوموړي په شخصي هڅو د طالبانو د پخواني مشر ملامحمد عمر مجاهد د کورنۍ د یو شمیر غړو په ګډون ۱۵ تنه طالب مشران ورغلي دي.
د کندهار امنیه قوماندان وايي، د طالبانو د پخواني مشر ملا محمد عمر د کورنۍ د یو شمېر غړو په ګډون د وسله والو طالبانو ۱۵ مشران د خپلو کورنیو سره یو ځای له پاکستانه کندهار ته راغلي دي او په پنجوایي ولسوالۍ کې میشت دي.
د قوماندان په وینا د دوی او قومي مشرانو په هڅه چې د سولې عالي شورا هیڅ رول پکې نه و د وسله والو طالبانو د لوړي او منځنۍ کچې په دغه مشرانو کي والیان د دفاع او بهرنیو چارو وزارت لوړ پوړي چارواکي شامل دي.
طالبانو داخبرې په ټولییز ډول رد کړې او ویلي یې دي چې دوی د هیواد پر نیمیایي جغرافیه واکمن دي نو داسې ورتګ ته هیڅ اړتیا نلري
“دا ډول افواهات خپرول حقیقت نه لري، هسې تشویشونه ایجادول دي، مجاهدین پخپل هیواد کې د اوسیدو لپاره دچا اجازې او مرستې ته اړتیا نه لري،اسلامي امارت دهیواد له نیمايي زیاته خاوره پخپل واک او کنترول کې لري، هرځای چې وغواړي ژوند کولای شي“
طالبانو ویلي چې د ملا عمر مجاهد د کورنۍ هیڅ غړی د کندهار له چارواکو سره نده یوځای شوی او د دوی مشران له پخوا څخه د هیواد په داخل کې اوسیږي خو حکومت ته ندي ورغلي
“د اسلامي امارت مشران او کشران، مجاهدین او ملاتړۍ له پخوا څخه دننه په هیواد او پر خپلو ځایونو کې دي.
هيڅ مسئول مجاهد او د اسلامي امارت مشر نه دکابل ادارې ته ورغلی اونه ورسره یوځای شوی“
د طالبانو ویاند قاري یوسف احمدي ویلي چې که د طالب چارواکو په نامه هرڅوک ورغلی وي یا به له دوی سره هیڅ اړیکې نلري او یابه هیڅ دنده نلري
“که څوک د کندهار چارواکوته د اسلامي امارت د کوم مسئول په نامه یا د مشرانو د خپلوانو په نامه ورغلي وي، هغه به یاداسي څوک وي چي په اسلامي امارت کی به نه دفرد په حیث او نه هم دمسئول په حیث خدمت کوي بلکي خپل عام ژوند او روزګاربه کوی او داسي خوپه لکونو کسان دهیواد په اطرافو او ښارونوکی ژوند کوي اویابه هغه جعل کاره غله پري اوښتي وي چې په همدې بهانه پيسې وهي او خپل جیبونه ډکوي او دکابل ادارې چارواکي یې هم پرسر معاملي کوي “
باید وویل شي چې دا لمړی ځل ندی چې حکومت دې د دا ډول جعلکاره طالبانو په توسط خپلې هڅې کوي بلکه ترې وړاندې هم په ځلونو ورته معاملې شوې چې د طالبانو په نوم یې مختلف خلک رسنیو ته وړاندې کړي او په دې توګه یې له افغان حکومت څخه پیسې ترلاسه کړې دي چې وروستۍ بیلګه یې په ننګرهار کې د والي ګلاب منګل هڅه وه چې په ښار کې د یوناني دوا پلورونکی یې د طالبانو د یو مشر په نوم رسنیو ته وښود جې بیا وروسته افشاشو.
