(کابل ټکی کام ۱۳۹۶ وږی ۹ فرید افغان)
د هیل په نامه یوې نشریې پدې وروستیو کې په امریکایي ولس کې یوه سرشمیرنه کړې ده چې غوڅ اکثریت پدې آند دي چې امریکا به په افغان جګړه کې ماتې خوري.
دا نظرپوښتنه ښیي چې ۴۵ سلنه امریکایانو په افغانستان کې د امریکا د نظامي حضور ملاتړ کړی دی. ۴۱ سلنه خلکو د رد رایه ورکړې ده او پاتې ۱۴ سلنو بیا په دې اړه ممتنع رایه ورکړې ده.
خو د دې جګړې د بریا او ناکامۍ په اړوند امریکایان بیا هم سره ویشلي دي له دې ډلې یې ۴۰ سلنه وګړي وایي چې امریکا به سخته ماتې وخوري، خو ۲۴ سلنه بیا پدې آند دي چې ښایي جګړه بریا ته ورسوي.
بلخوا د امریکا په کانګرس کې تر ډیره جمهوري غوښتونکو د ټرمپ له پالیسۍ نه هرکلی کړی دی.
باید وویل شي چې په تیر کې د ټرمپ او پخواني ولسمشر اوباما په ګډون ډیری لوړ پوړو امریکایي چارواکو د خپلو ځواکونو په ماتې اعتراف کړی و.
د امریکایي شنونکو په آند امریکا په سیمه کې د طالبانو،یا نورو وسلوالو د ختمیدو غم نده اخیستې، بلکه له یوې خوا یې د افغانستان په کانونو او معادنو کې سترګې ګنډلې او له بل پلوه غواړي په سیمه کې ځان ښه مجهز کړي تر څو روس او چین د نفوذ مخنیوی وکړي او هم د هغوی احتمالي خوځښتونه له نږدې وڅاري
