(کابل ټکی کام ۱۳۹۶وږی ۱۸): چارواکي وايي، د لوګر ولايت په محمداغۍ ولسوالۍ کې يوه سيمه ييز پوليس خپل پنځه ملګري وژلي او د پوستې وسلې او نور مهمات يې له ځان سره وړي دي.
د دغه ولايت د والي وياند محمد سليم صالح رسنيو ته ويلي، چې پېښه تېره شپه د يادې ولسوالۍ مربوط د پړاو سيمې په يوه پوسته کې رامنځته شوې ده.
هغه زياته کړه، چې نوموړي پوليس د خپلو پنځو ملګرو د وژنې سربيره د هغوی يوبل ملګری چې عام کس دی هم وژلی دی.
د هغه په وينا، ياد پوليس له وسله والو سره اړيکې درلودې چې له پېښې وروسته د وسلو سره هغوی ته ورغلی دی.
تر اوسه د يادې پېښې په اړه وسله والو طالبانو څه نه دي ويلي.
