د ترکیې پولې ته څېرمه ترکانو یوه روسي جنګي الوتکه را نسکوره کړه
کابل ټکی کام ۰۳لېندۍ/۱۳۹۴، احمدالله مهاجر
د ترکیې پولې ته څېرمه ترکانو یوه روسي جنګي الوتکه را نسکوره کړه
کابل ټکی کام ۰۳لېندۍ/۱۳۹۴، احمدالله مهاجر
شېبه وړاندې د ترکیې پولې ته څېرمه د اللاذقیه نومې ښار د ګډوالو په کمپ کې د روسیې یوه جنګي الوتکه را وغورځېده.
د ترکیې د لومړي وزیر د دفتر لخوا په خپره کړی شوې اعلامیه کې ویل شوي دي چې یاده الوتکه د بشارالاسد جنګیالیو له لورې را نسکوره شوې ده.
همدار راز د بشار الاسد جنګیالي ادعاء کوي چې د یادې جنګي الوتکې پیلوټ د ځان د بچاو لپاره د پراشوټ پواسطه را ښکته شوی، چې دوی ته لاسته ورغلی دی.
له بلې خوا عیني شاهدانو رسنیو ته ویلي دي چې په سیمه کې د ترکیې جنګي الوتکو هم الوتنې او ګزمه کوله.
همدا راز د ترکیې نظامي سرچینو د یادې روسي جنګي الوتکې د را غورځولو «ځکه» دا بیان کړې ده چې د ترکیې هوايي حریم ته را ننوتلې وه.
