(کابل ټکی کام ۱۳۹۶تله ۱۳): تېره ورځ ناوخته د سعودي عربستان پاچا سلمان بن عبدالعزيز د روسيې پلازمينې مسکو ته په يو رسمي سفر ولاړ.
د نوموړي سره په دغه سفر کې د سعودي جګپوړي پلاوي هم ملتيا کوي.
ټاکل شوې ده، چې سلمان بن عبدالعزيز به په روسيه کې له ولسمشر ولاديمير پوټين سره هم وګوري او دواړه به مشران به د خامو تېلو د بييو په ګډون د دواړو هېوادونو د اړيکو په پراختيا او يو شمير نورو مهمو موضوعګانو هم خبرې وکړي.
د سعودي په تاريخ کې لومړی ځل دی، چې د دغه هېواد يو پاچا روسيې ته سفر کوي.
د روسیې مرستیال لومړي وزیر دیمتري روګوزین او د بهرنیو چارو مرستیال وزیر میخایل بوګدانوف د مسکو نړيوال هوايي ډګر کې د هغه هر کلی وکړ.
